بریتانیا هېواد به نن یکشنبه، د سپټامبر ۲۱مه د فلسطین په رسمیت پېژندو اعلان وکړي.
د بریتانیا لومړی وزیر کېیر سټارمر جولای میاشت کې ویلي وو چې د فلسطین دولت به په مشروط ډول په رسمیت وپېژني.
د فلسطین دولت په رسمیت پېژندل به د بریتانیا په بهرني سیاست کې یو لوی بدلون وي.
همداراز پورتګال هېواد هم ويلي چې نن يکشنبې به د فلسطين دولت په رسميت وپېژني. د پورتګال د بهرنيو چارو وزارت دا اعلان د ملګرو ملتونو له عمومي اسمبلۍ مخکې کړې.
بریتانیا او پورتګال د جولای په مياشت کې د اسرائیلو له خوا د فلسطينيانو د سيمو نيولو او په غزه کې بشري کړکېچ ته په اشاره د فلسطين په رسميت پېژندلو اراده څرګنده کړې وه.
چې د بریتانیا او پرتګال په ګډون ۱۰ هېوادونه به همدا اوونۍ د عمومي اسمبلۍ څخه مخکې په رسمیت وپېژني.
د یادولو وړ ده چې د اسراییلو او فلسطین د جګړې څخه څه باندې دوه کاله تیریږي د فلسطین د صحت وزارت د خپرو شویو امارو له مخې تر اوسه له ۶۵ زرو څخه دېر فلسطیني وژل شوي او له ۱۶۴ زرو څخه دېر کسان ټپیان شوي دي.
