رویټرز خبري اژانس خبر ورکړی، چې تېره ورځ یکشنبه بریټانیا، اسټرالیا او کاناډا د فلسطین دولت په رسمیت وپېژانده. یادو هېوادونو په وینا، له هغو کسانو سره مرسته کوي چې سوله او ګډ ژوند غواړي.
رویټرز په خپل خبر کې تېره ورځ یکشنبه د سپټمبر ۲۱مه وویل، چې بریټانیا، اسټرالیا او کاناډا د فلسطین دولت په رسمیت وپېژاند، او دغو هېوادونو دا ګام د اسراییلو او فلسطین ترمنځ د نږدې دوه کلنې جګړې د حل لارې په موخه پورته کړی.
دغو چارواکو ویلي، د فلسطین دولت په رسمیت پېژندل د حماس لپاره کومه ډالۍ نه ده؛ بلکې د فلسطین خلکو سره یې د مرستې لپاره دا کړنه ترسره کړې ده.
له دې سره په لومړي ځل د بریټانیا په نقشه کې د فلسطین هېواد شامل شو.
باید وویل شي چې د کاناډا، اسټرالیا او برېټانیا له لوري د فلسطین دولت په رسمیت پېژندلو له اعلان وروسته اسراییلو غبرګون ښودلی او دغه کړنه یې غندلې ده.
