واشنګټن — یوه سوریایي سرچینه i24NEWS ته ویلي چې د اسراییلو لومړی وزیر بنیامین نتنیاهو او د سوریې ولسمشر احمد الشرع ټاکل شوې چې د سپتمبر میاشتې په جریان کې، د ملګرو ملتونو عمومي غونډې نه مخکې، په سپینه ماڼۍ کې سره وویني.
افغانستان ژورنال — د راپور له مخې، تمه ده چې دواړه مشران د امریکا په منځګړیتوب یو امنیتي تړون لاسلیک کړي، چې دا اقدام د سولې او د اړیکو عادي کېدو په لور لومړی ګام بلل شوی.
د خلیجي سرچینو په وینا، متحده عربي امارات د سعودي عربستان په ملاتړ، په فعاله توګه د دې خبرو اترو منځګړیتوب کوي.
خو یوه مهمه ستونزه لا هم پاتې ده، او هغه د ګولان لوړو څخه د اسراییلو د وتلو ژمنې نهمنل دي.
تلابیب استدلال کوي چې ولسمشر الشرع لا هم د جنوبي سوریې پر وسلهوالو ډلو بشپړ کنټرول نه لري، چې دا موضوع د امنیتي تضمینونو اعتبار ته زیان رسوي.
شنونکي دا احتمالي لیدنه د دمشق او تلابیب ترمنځ د څو لسیزو د دښمنۍ په اړیکو کې یو احتمالي مهم بدلون ګڼي.
افغانستان ژورنال
