بادغیس کې مسوولینو ویلي چې د دغه ولايت په په بالامرغاب ولسوالۍ کې د یوه پخواني ماین د چاودنې له امله درې ماشومان مړه شوي دي.
د بادغیس د امنیې قوماندانۍ ویاند صدیقالله صدیقي نن جمعه وايي چې د دغه ولایت په بالامرغاب ولسوالۍ کې د یوه پخواني ماین د چاودنې له امله درېیو ماشومانو خپل ژوند بایللی دی.
نوموړي همداراز ویلي: «پرون ماښام درې ماشومان چې د خپلو کورونو په طرف روان وو، یو ماین چې له تېرو جګړو د بالامرغاب ولسوالۍ په قروتوي کلي کې پاتې شوی و، پرې چاودېدلی چې له امله یې درېواړو ماشومانو خپل ژوند بایللی دی.»
باید وویل شي چې دوه ورځې وړاندې هم د بالامرغاب ولسوالۍ په «پنیرک» کلي کې د یوه ماین د چاودنې له امله دوه ماشومان مړه شول.
